Grunderhof

Weizemehl us eigetem Abou ohni Isatz vo Herbizid, Fungizid u Wachstumsregulatore.

Mit däm Produkt het vor 7 Jahr aus agfange mit üsere Diräktvermarktig. Bauer Bärnu het gmeint är säih wiede inisch wi früecher Brotweize, de hige mir eigets Mehl...
Wo i de im Oktober 2016 zerschte mau zu üsem Müller im Nachbardorf bi ga di 500kg Mehl abhole ha i gmerkt das i das Mehl i nützlecher Frist gar nid ma bcho z'verbache...
Drum ha i mi afa drum due, lääri Mehlsäck kouft u Etikette mit Logo la kreiere. I bi so e richtige Afänger gsi was Diräktvermarktig betrifft.
Mir verchoufe üses eigete IP Suisse Weizenmehl aus Weissmehl, Halbweissmehl, Ruchmehl u Vollkornmehl. 

Du überchunsches i 1kg, 5kg,10kg oder 25kg Seck.