Grunderhof
Familie Krähenbühl Oberhünigen
Mir lege Wärt uf ds Tierwohl u ufene gsunge Bode, dass o di nächsti Generation der Betrieb mit höcher Qualität cha witerfüehre.
D Nachhautigkeit isch für üs i aune Beriiche sehr wichtig.
üse Betrieb
üser Chüeh
üsi Liideschaft
Mir produziere silofreii Miuch im Abingstall. Di wird i dr Chäserei Gohl zu AOP Ämmitaler u Spezialtäte verarbeitet. Mit üsne 25-30 Miuchchüe (SF+ RH) produziere mir täglech öppe 500 L Miuch.
Ungfähr 15 Gusti u Chäubli läbe o no uf üsem Betrieb.
Hobbymässig betriebe mir Viehzucht, d Ching u dr Grosätti hi bsungers Früüd u z'Oug drfür u si öppe ar einte oder angere Usstellig a'zträffe!
üses Land
zu däm hi mir Sorg
Mir bewirtschafte uf üsem Heimet 17Ha landwirtschaftlechi Nutzflächi u öppä 3Ha Wald.
Der grösst Teil vor Flächi isch Gras, wo mir ds Veh weide u Höi/Aemd drus mache.
E chline Teil isch Fuettermais, wo mir üsne Chüeh im Herbst de grad früsch chü verfuehre.
Sitem 2015 boue mir o Brotweize u UrDinkel a. Ds Mähl lö mir när ds Mirchel la mahle u tües diräkt ab Hof vermarkte.
Grosätti's Ross
Haribo u Fabienne
Wär es schöns Usfährtli mit Ross u Wage wott gniesse, cha das mit dene zwüne Freiberger Ross.
Uf d'Kutsche möge sächs Persone, ufe Wage ca. 12 Persone.
Mir Ching, gö zwüschiche mit Verwandte u Bekannte o ga rite u hi geng ume Früüd dranne.
