top of page

 

Härzlech Wiukomme!

schön, dass du bi üs verbi luegsch

Mir si e Buurefamilie usem Ämmitau.

Üse Hof GRUNDER bewirtschafte mir

mit viu Liideschaft u Härzbluet!

Bi üs daheime chasch du imene viusitige Agebot vo Hofprodukt cho schnöigge! Üses Hoflädeli het keni fixe Öffnigszyte. Chasch eifach verbi cho lüte, es isch meistens öpper daheim! Wed wosch sicher ga, chasch vorhär no alüte.

IMG_5615.JPG
DSC_6186.JPG
Grunder Märit--111.jpg
DSC_3113.JPG

"chasch no hurti ä Jahresrückblick mache für uf Insta u Facebook"siit Mueti. "jaja, ig maches de" sägeni u fa afa überlege was i däm 22gi aus isch passiert…

 

Öppis faut scho mau uf: Mueti het geng wi me glehrt säuber Insta- Storys ds machä. :) So hit dir geng wi me ä vertüftä u realitätsnache Yblick i ihre Autag ir Diräktvermarktig u süsch ufem Betrieb übercho.

Ig fa a di Storys dürezluege u merke geng wi me, dass das mitem "HURTI ä Jahresrückblick" mache ender schwirig wird. Ig wis bau nid wini das wott aagattlige…

 

ig ha öich itz uf Instagram es Story Highlight gmacht 2022. Es hi leider nid auä Platz gha, wüus me aus 100 si. So fäut haut itz der Dezämber, aber dä ischnis ja no presänt. Der Chrischtmonet, wo di strengschti Zyt vom Jahr isch gsi… aber was isch de süsch no aus passiert? Wisches no? Oder hesch o scho vergässe, dass ja Vätu im 22gi plötzlech zum Youtube Star isch worde? :)

 

Lili het 2x jungi Büssi übercho, Vroni het üs 100i vo schöne Etikette gmacht, d Elina het jungi Chüngeli gha, Vätu het bschüttet, d Giele hi d Chüeh gwäsche, der Oschterverchuf isch gsi, d Bea het x Kilo Mähl verbache, d Landfrouechuchi- Spezialsändig het stattgfunge, d Meta isch zu üs cho choche, Grosi het chischtliwiis Gonfi gmacht, ar Ruth ihri Esprit het d Maximalpunkt gmacht, Landfroue si ds Bsuech cho, nöii Produkt si im Verarbeitigsruum ds finge, Höi hi si gmäit, gämdet hi si wi verrukt, Mueti het der Griffer- Poschte gfasset, Töbu isch ändlech 14ni worde, Chäubli si gebore, d Jasmin het es Maitanndli übercho, ä kaputti Leitig het der ganz Stau überschwemmt, d Elina isch e gueti Hiuf i Stau u Garte gsi, der Garte isch Grosis Revier gsi, d Guschti si ume z' Bärg, Literwiis Sirup het Mueti ikochet u abgfüut, viiu gueti Häuferlis himer gha, Höi himer müesse usepresse, Tomate hets ä Huufä gä, ä trochene Summer isches gsi, d Jasmin u d Elina hi mängi Roupe zu Schmätterlinge la wärde, der Chindergarte isch z' Bsuech choo, Guudmelisse hi mir chönne abläse bis zum umgheie, Bruefschrut- Vernichtig, Bohne, Zwätschge, Öpfu, Zibele, Mais himer scho früeh gärntet, Surchabis hi mir igmacht, Rätech hi mir igmacht, am ESAF simer gsi, tuusigi vo Gschänk het Mueti zämegsteut, Sichlete, Brächete, Wuchemärit, Herbstgarte, Viehschoue, Punsch u Magebrot, Deckäst u Wiehnachtsbüüm, Adväntsverchuf, Früchtebrot u Läbchueche, Adväntskaländere, Junior Expo Thun, Holzernte extrem,… 

u itz äändlech chli düreschnuufe!

 

Mir hi es viusitigs, ufregends u schöns Jahr hingernis u fröie üs itz scho uf ds Nächschte! Merci öich für öii Tröii, für ds Vertroue u für au di liebe Gspräch u Rückmäudige!

Es riesigs MERCI giit o a aui üser liebe Häuferinne u Häufer! ob im Verarbeitigsruum, im Garte, bi de Wiehnachtsböim, hinger der Kamera... ohni öich hätte mir das nid gschafft, dir sit guudwärt!

DSC_2851.JPG

suechsch d Biuder vom vergangene Adväntsverchouf? di fingsch 

IMG_20221122_073441.jpg

ab sofort chasch es nöis Produkt cho gänggele :) UrDinkel Flocke
viusitig isetzbar zum Bispiu für i Dis Zmorgemüesli...

1/4
DSC_5375.JPG
höchi Qualität
naturnach
diräkt vom Buur
bottom of page